دراصل ڈائریکٹر آف پرائمری ایجوکیشن کے آفس کی جانب سے ایک سرکولر جاری کیا گیا ہے، جس میں کہا گیا ہے کہ سال 2023-24 میں 6 سال مکمل نہ ہونے والے بچوں کو جماعت اول میں داخلہ نہیں دیا جائے گا۔
ایسے میں اسکول منتظمین میں جماعت اول میں بچوں کو داخلہ دینے کے تعلق سے تذبذب پایا جارہا ہے، کہ آخر کس عمر میں بچوں کو نرسری میں داخل کرایا جائے؟
اس سلسلے میں اسکول بورڈ احمدآباد کے سابق رکن الیاس قریشی نے کہا کہ سب سے پہلے تو محکمہ تعلیم نے پری پرائمری اور پرائمری میں بچوں کو تعلیم دلانے کو کہہ رہی ہے۔ یہاں جونیئر کے جی، سینئر کے جی کا نام بھی بدل دیا گیا ہے اور اب بچوں کو چھ سال کی عمر میں داخلہ دینے کی بات کر رہی ہے۔ اس حکومت کا دو طرفہ رخ دکھائی دے رہا ہے، جس سے اسکول کے منتظمین اور والدین بھی پریشان ہو سکتے ہیں۔
مزید پڑھیں:
'اچھی صحت ایک انمول نعمت ہے'
واضح رہے کہ کہ سال 2022-23 تک پرانے اصول و ضوابط کے مطابق پورے گجرات میں داخلہ جاری رہے گا۔ لہٰذا اس سرکولر کے مطابق سال 2020-21، سال 2021-22 اور 2022 - 23 کے دوران پرانے اصول و ضوابط کے مطابق اسکولوں میں داخلہ دیا جائے گا جب کہ نیا قاعدہ تعلیمی سال 2023-24 سے نافذ ہوگا۔ تاکہ حالیہ 5 سال مکمل کرنے والے بچے بھی داخلہ حاصل کر سکیں۔
