احمد آباد: گجرات میں کانگریس رہنما راہل گاندھی کے خلاف ہتک عزت کا مقدمہ دائر کرنے والے شکایت کنندہ پرنیش مودی نے اس معاملے کی سماعت کے لیے سپریم کورٹ میں کیویٹ دائر کیا ہے۔ سپریم کورٹ نے گجرات ہائی کورٹ کے فیصلے کے خلاف گاندھی کی اپیل پر سماعت کرنے کا فیصلہ کیا جس نے ہتک عزت کیس میں ان کی سزا پر روک لگانے سے انکار کر دیا تھا۔ اس بات کو یقینی بنانے کے لیے ایک مدعی کی طرف سے کیویٹ کی درخواست دائر کی جاتی ہے کہ بغیر سنے اس کے خلاف کوئی منفی حکم جاری نہ کیا جائے۔
واضح رہے کہ مودی کنیت کو لے کر متنازعہ ریمارکس کے معاملے میں کانگریس رہنما راہل گاندھی کو گجرات ہائی کورٹ نے جھٹکا دیا تھا۔ ہائی کورٹ نے راہل گاندھی کی نظرثانی کی درخواست کو خارج کر دیا تھا۔ ہائی کورٹ کے فیصلے پر کانگریس رہنماوں کا ردعمل سامنے آیا۔ کرناٹک کے نائب وزیر اعلی اور کانگریس رہنما ڈی کے شیوکمار نے ہائی کورٹ کے فیصلے کو بدقسمتی قرار دیا۔ انہوں نے کہا کہ انصاف نہیں ہوا۔ شیوکمار نے مزید کہا کہ یہ جمہوریت کا قتل ہے۔ پھر بھی پورا ملک اور اپوزیشن پارٹیاں راہل گاندھی کے ساتھ کھڑی ہیں۔ راہل ایک عظیم رہنما ہیں جو پورے ملک کو متحد کرنے کی جنگ لڑ رہے ہیں۔ بی جے پی یہ برداشت نہیں کر پا رہی ہے۔
مزید پڑھیں: Modi Surname Case راہل گاندھی کو پٹنہ ہائی کورٹ اور جھارکھنڈ ہائی کورٹ سے ملی راحت
جسٹس ہیمنت پراچک نے اپنے فیصلے میں کہا کہ راہل گاندھی پہلے ہی ملک بھر میں 10 مجرمانہ مقدمات کا سامنا کر رہے ہیں۔ جسٹس نے یہ بھی کہا کہ ٹرائل کورٹ کا راہل کو مجرم قرار دینے کا حکم منصفانہ اور قانونی تھا۔ نچلی عدالت کے فیصلے میں تبدیلی کے لیے کچھ نہیں ہے۔
