پورے ملک میں سی اے اے اور این آر سی مخالف احتجاجی مظاہرے جاری ہے ایسے میں آج احمد آباد کے مختلف تنظیموں کے لوگوں کو گاندھی آشرم کے باہر میں احتجاجی مظاہرہ کرنے کی اجازت نہیں ملی۔
گاندھی آشرم کے باہر احتجاج کرنے کی اجازت نہیں ملنے پر مظاہرین نے آشرم روڈ پر سی اے اے، این آر سی، این پی اے کے ساتھ جامعہ ملیہ اسلامیہ اور گارگی کالج میں لڑکیوں کے ساتھ ہوئے بربریت کے خلاف جم کر احتجاج کیا۔
مظاہرین نے کہا کہ ٹرمپ کی آنے وجہ سے پورے شہر میں 25 فروری تک وی آئی پی موومنٹ ہے جس وجہ سے ہمیں مظاہرہ کرنے پر پاپندی عائد کردی گئی ہے لیکن ہم رکنے والے نہیں ہے۔
انہوں نے کہا پولیس نے اس سے قبل بھی ہمیں احتجاج کرنے کی اجازت نہیں دی۔ڈونلڈ ٹرمپ کے آنے کی وجہ سے عوام کو پریشان کیا جارہا ہے اور ان کی آواز کو دبانے کی کوشش کی جارہی ہے۔
مظاہرین نے مزید کہا کہ دہلی میں آئے دن ایک سے بڑھ کر ایک واقعات سامنے آرہے ہیں لڑکیوں پر بربریت کی جا رہی ہے اور یہ بے حد افسوسناک بات ہے۔لڑکیوں کو ڈرانے کی کوشش کی جارہی ہے، انہیں احتجاج کرنے سے روکنے کی کوشش ہے۔
ہم چاہتے ہیں کہ کسی بھی طرح اس جارحانہ کوشش پر روک لگائی جائے اور جو بھی اس طرح کے کام کو انجام دے رہا ہے انہیں سخت سے سخت سزا دی جائے ۔
