سریندر نگر جیل کے دو کورونا متاثر قیدی فرار

گجرات کے سریندر نگر شہر کے بی ڈویژن علاقے میں واقع سریندر نگر سب جیل کے دو کورونا متاثر قیدی فرار ہو گئے۔

پولیس نے بتایا کہ سب جیل کے کورونا متاثر دو قیدیوں ارجن سنگھ جڈیجہ (26) اور راجو بھائی ماتھاسوریا (18) کو یہاں کے مہاتما گاندھی اسپتال کے نرسنگ ہوم میں کووڈ۔ 19 سنٹر میں دوسری منزل پر داخل کیا گیا تھا جہاں کھڑکی کے ذریعہ دونوں کود کر فرار ہو گئے۔ پولس فرار ملزمین کی تلاش کر رہی ہے۔