کورونا وائرس جیسی مہلک بیماری کو روکنے کے لیے وزیر اعظم نریندر مودی نے آج رات بارہ بجے کے بعد سے پورے ملک میں لاک ڈاؤن کا اعلان کر دیا ہے۔ وزیر اعظم نے جنتا کرفیو کے بعد کورونا وائرس سے نمٹنے کے لیے ایسے سخت فیصلے کا اعلان کیا ہے۔
ریاست گجرات میں 22 مارچ سے 25 مارچ تک لاک ڈاؤن کیا گیا تھا اور اس کے بعد لاک ڈاؤن 31 مارچ تک بڑھایا گیا تھا اور اب وزیر اعظم نریندر مودی کے کہنے کے بعد یہ لاک ڈؤان 21 دن اور بڑھ چکا ہے۔
اس دوران روز کما کر کھانے والے اور اپنے گھر کا پیٹ بھرنے والے غریب عوام پریشان نظر آرہی ہے۔
کورونا وائرس سے نمٹنے کے لیے عوام بھی مکمل کوشش کر رہے ہیں اور لاک ڈاؤن میں رہنے کی ہر ممکن پہل ہو رہی ہے۔ لیکن جب 21 دنوں کے دوران یہ روٹی ہی نہیں کما پائیں گے تو اپنے گھر کا خرچ کیسے چلائیں گے۔ اس لیے دونوں طرف سے ان غریب عوام کو پریشانی کا سامنا کرنا پڑ رہا ہے۔
ایسے میں احمدآباد کے پجاری کی چال میں رہنے والے لوگوں سے ای ٹی وی بھارت کی نمائندہ نے بات چیت کی۔
