احمدآباد: گجرات اردو ساہتیہ اکادمی گاندھی نگر کے رکن زین العابدین انصاری نے بتایا کہ آج ٹیکنالوجی کا زمانہ ہے جسے فروغ دینے کے لیے یکم جون 2022 سے پروگرامز کی عرضی آن لائن بھری جائے گی۔ کیوں کہ اس سے قبل گجرات ساہتیہ اکادمی سے پروگرامز کے لیے آف لائن منظوری لی جاتی تھی۔ انہوں نے بتایا کہ پہلے پروگرامز منعقد کرنے کے لیے گجرات کے مختلف اضلاع و دور دراز سے لوگوں کو گاندھی نگر میں واقع گجرات ساہتیہ اکادمی جانا پڑتا تھا جس سے ان کا خرچ و وقت ذائع ہوتا تھا اور اب ساہتیہ اکادمی جانے سے لوگوں کو راحت ملے گی۔ اب جو بھی پروگرامز، سمینار، مشاعرہ کرنا ہو تو اس کے لیے اپنے گھر سے ہی فارم بھر سکتے ہیں تاہم گجرات ساہتیہ اکادمی گاندھی نگر کی ویب سائٹ پر فارم ہے، جسے گجرات کے کسی بھی حصے سے بھرا جا سکتا ہے۔
زین العابدین انصاری نے مزید کہا کہ اس سال تمام سمنار، مشاعرے، پروگرامز، نششت، آزادی کا 75 واں سال، آزادی کا امرت مہوتسو، اور دیگر عنوان پر کوئی بھی تنظیم آن لائن فارم بھرسکتی ہے اور انہیں پروگرام کی منظوری کی اطلاع بھی آن لائن اور فون پر دی جائے گی۔
یہ بھی پڑھیں: Gujarat Riots Eyewitness: 'میں زندہ بچ گیا کیوں کہ میں چھُپا ہوا تھا' گجرات فساد کی کہانی
