احمدآباد: احمدآباد میں رتھ یاترا کے پیش نظر تیاریاں زروں پر ہیں۔ احمدآباد کے جمال پور میں موجود جگن ناتھ مندر سے 1 جولائی کو رتھ یاترا کا اہتمام کیا جائے گا۔ اس موقع پر قومی اتحاد کی مثال پیش کرتے ہوئے احمد آباد کے تین دروازہ علاقے میں رہنے والی مسلم خواتین نے جگن ناتھ مندر کے مہنت دلپ داس جی مہاراج کو تحفہ دینے کے لیے ایک انوکھی تصویر بنائی ہے۔Rath Yatra 2022
تصویر ڈیرائن کرنے والی خواتین کا کہنا ہے کہ ہر سال رتھ یاترا کے موقع پر مسلم برادری کی جانب سے کچھ نہ کچھ تحفہ دیا جاتا ہے۔ اس سال بھی مسلم خواتین نے تحفہ دینے کے بارے میں سوچا ہے۔ وہیں مسلم خواتین نے مل کر احمدآباد میں سیدی سید کی جالی والی مسجد کی دلکش تصویر کو قومی اتحاد سے جوڑتے ہوئے، اس پر جگن ناتھ کی جھلکیاں بھی بنائیں گئی ہیں، جو دیکھنے میں کافی خوبصورت ہیں۔ اس فوٹو فریم کو مسلم خواتین رتھ یاترا کے دن احمدآباد میونسپل کارپوریشن میں مہنت کو گفٹ کریں گی۔ اسے بنانے میں تقریباً آٹھ دن لگے۔ اس تصویر کے ذریعے قومی اتحاد کا بھی پیغام دیا جا رہا ہے۔
یہ بھی پڑھیں: احمدآباد: جگن ناتھ کی رتھ یاترا سے تعزیہ کمیٹی کا انوکھا رشتہ
