احمدآباد: ریاست گجرات کے احمدآباد میں جمعیت علما ہند کی جانب سے خواتین کو خود کفیل بنانے کے مقصد سے سلائی مشین تقسیم کی گئی۔ سلائی مشین حاصل کرنے والی خواتین میں ہندو عورتیں بھی شامل تھیں۔ انہوں نے جمعیت علما ہند کا شکریہ ادا کیا۔ جمعیت علماء ہند کی اس کوشش کو بھائی چارہ اور فرقہ ورانہ اتحاد کا پیغام قرار دیا۔ اس موقع ہر پروفیسر نثار احمد انصاری سینیر ایڈوکیٹ محمد سہیل ترمیزی ،جمعیت علما ہند کے صدر مولانا عرفان شیخ اور گجرات کے سیکرٹری اسلم قریشی کے ہاتھوں یہ مشین تقسیم کی۔اس تعلق سے مشین حاصل کرنے والی ایک غیر مسلم خاتون نے کہا کہ میں احمد آباد کے علاقے میں رہتی ہوں۔ میں سیلائی کرتی ہوں اور اس مشین کے ذریعہ میں آگے بھی سلائی کام کروں گی۔
یہ بھی پڑھیں:پانچ ماہ کے بعد بھی حجاج کرام تک سامان نہیں پہنچا
انہوں نے کہا کہ جمعیت علما ہند کی طرف سے مشین دی گئی ہے اس کے لیے ہم کافی خوش ہیں۔ ہمیں جیسے ہی پتہ چلا کہ جمعیت علمائے ہند لوگوں کی مدد کرتی ہے اور مشینیں تقسیم کرنے والی ہیں اس وقت ہم نے ان سے رابطہ کیا ۔انہیں نے کسی بھی طرح کے بھید بھاؤ کو دیکھے بغیر ہمیں مشینیں دی۔ جمعیت علما ہند کے ذمہ داران نے کہاکہ ہم اسلامی تعلیمات کے تحت لوگوں کی مدد کرتے ہیں اس سے تمام مذاہب کے لوگوں کو فائدہ پہنچتا ہے۔اسلام کہتا ہے کہ ضرورتمندوں کی مدد کریں چاہئے کیوں نا وہ کسی اور مذہب سے تعلق رکھتا ہو۔
