احمد آباد: احمد آباد میں موجود چارتوڑا قبرستان تحفظ و صفائی ابھیان کمیٹی کی جانب سے اتحاد ملت کانفرنس کا اہتمام کیا گیا۔ احمد آباد کے رکھیال مچھی مارکیٹ علاقہ میں اس کانفرنس کا اہتمام کیا گیا، جس میں مولانا عبید اللہ خان اعظمی سابق ممبر آف پارلیمنٹ اور مولانا قاری احمد علی فلاحی شیخ الحدیث جامعہ فیض سلیمانی نے شرکت کرکے قبرستان کے تحفظ کے لیے لوگوں کو بیدار کیا۔ اس تعلق سے گومتی پور کے کونسلر اقبال شیخ نے بتایا کہ سرزمین احمد آباد میں ایک عظیم الشان اتحاد ملت کانفرنس کا اہتمام کیا گیا۔ جس میں ہر مسلک فرقہ کے علماء نے شرکت کی اور اپنے نورانی بیان سے مستفیض فرمایا۔
یہ بھی پڑھیں:
اس موقع پر لاکھوں لوگوں نے شرکت کرکے ملی اتحاد و اتفاق کا ثبوت پیش کیا۔ خاص طور سے سابق ممبر آف پارلیمنٹ عبید اللہ خان اعظمی بھی اس موقع پر موجود رہے اور احمد آباد میں موجود چارتوڑا قبرستان میں جس طریقہ سے ناجائز قبضے اور گندگی ہے اسے صفائی مہم کے تحت ہٹانے کے لیے اپیل کی۔ مولانا عبید اللہ خان اعظمی سابق ممبر آف پارلیمنٹ نے کہا کہ اتحاد ملت کانفرنس کے ذریعہ تمام مسلک کے لوگ ایک پلیٹ فارم پر اکٹھا ہوئے دیکھ کر کافی خوشی محسوس ہو رہی ہے۔ اس کے ساتھ ہی الیکشن لوک سبھا الیکشن کے تعلق سے انہوں نے کہا کہ کہ الیکشن ہو یا سلیکشن ہو جو کام کرنے والا ہو اس کا ساتھ دینا چاہیے۔
انہوں نے کہا کہ ان سے پابند عہد کیجیے کہ جو قبرستان کی حفاظت کے لیے ہمارا ساتھ دیں گے ہم ان کو الیکشن میں جتانے کے لیے ان کا سپورٹ کریں گے۔ قبرستان کا مسئلہ کسی کی ذات کا مسئلہ نہیں ہے۔ یہ پوری جماعت کا مسئلہ ہے۔ جماعت کو مل جل کر قبرستان کو خالی کروانے کے لیے ہر طرح کی جدوجہد کرنی چاہیے۔ چاہے وہ انتظامیہ کے ذریعہ دباؤ ڈال کر ہو۔ لوگوں پر ظلم نہیں کرنا ہے بلکہ جو لوگ قبرستان پہ ظلم کر رہے ہیں، اس ظلم سے بچانے سارے لوگوں کو متحد ہو کر ان لوگوں سے آزاد کرانے کا کام کرنا چاہیے۔
