احمدآباد: وزیر اعلیٰ گجرات بھوپیندر پٹیل نے شہریوں سے اپیل کی ہے کہ وہ طوفان بپر جوائے کی ممکنہ تباہی کے پیش نظر ریاست کے ساحلی علاقوں میں سلامتی اور حفاظت کے لیے انتظامیہ کے ساتھ تعاون کریں۔ اس کے علاوہ وزیر اعلیٰ بھوپیندر پٹیل نے اس پیشگی منصوبہ بندی کی تفصیلات بتائیں جو ریاستی حکومت کی جانب سے وزیر اعظم نریندر مودی اور وزیر داخلہ امت شاہ کی رہنمائی میں سمندری طوفان بپر جوائے سے نمٹنے کے لیے بنائی گئی ہیں۔
اس تعلق سے پے در پے ٹینشن کے درمیان سی ایم نے گجرات کے شہریوں سے اپیل کرتے ہوئے کہا کہ زیرو کیجویلٹی اپروچ کے ساتھ ریاستی حکومت نے پیشگی بچاؤ ریلیف بحالی اور انتظامی منصوبہ بندی کو یقینی بنایا ہے۔ وزیر اعلیٰ نے شہریوں سے یہ بھی اپیل کی ہے کہ وہ ریاستی حکومت اور ضلعی انتظامیہ کی طرف سے بار بار جاری کردہ ہدایات پر عمل کریں۔ خاص طور پر موسلادھار بارش اور تیز ہواؤں کی پیش گوئی کے بعد جہاں تک ممکن ہو گھر میں محفوظ رہیں اور باہر جانے سے گریز کریں۔
انہوں نے مزید بتایا کہ درختوں کے نیچے ستونوں کے قریب یا پرانے خستہ حال مکانوں میں پناہ لینے سے گریز کریں۔ بجلی کے تاروں، اور برقی آلات کو مت چھوئیں اور بجلی کے کھمبوں سے دور رہیں۔ وزیر اعلیٰ نے ہر ایک سے درخواست کی ہے کہ وہ ضرورت کے وقت انتظامیہ کے ساتھ تعاون کریں اور ہدایت پر عمل کرتے ہوئے اپنے اہل خانہ کی حفاظت کو یقینی بنائیں اور دور اندیشی ہی ایسی آفات سے بچنے کا صحیح طریقہ ہے اور ایسے وقت میں ریاستی حکومت سب کی حفاظت کے لیے دن رات کام کر رہی ہے۔
یہ بھی پڑھیں:
