سب سے خوبصورت تعزیےکو انعامات و مومینٹو دیتے ہیں، لیکن رواں برس رتھ یاترا نکالے پر پابندی گجرات ہائی کورٹ نے پابندی عائد کردی ہے۔
اس پر سینٹرل تعزے کمیٹی کے صدر پرویز مومن نے کہا کہ رتھ یاترا و محرم احمدآباد کی پہچان ہے، ہم ہمیشہ سے رتھ یاترا سے قبل جگن ناتھ مندر کے مہنت دلپ داس جی مہاراج کو مبارکباد پیش کرنے مندر جاتے تھے۔ انہیں تعزیہ کمیٹی کی جانب سے قومی اتحاد کی نشانی کے طور پر ایک مومینٹو عنایت کرتے تھے۔
احمدآباد کی دیگر تنظیموں سے جڑے لوگ بھی مہنت سے ملنے جاتے تھے۔ تاہم رتھ یاترا کے روڈ پر جگہ۔ جگہ مسلم برادری کے لوگ شان و شوکت کے ساتھ رتھ یاترا کا استقبال کرتے تھے اور امن و امان کے ساتھ رتھ یاترا نکالنے میں پولس کا پورا تعاون کرتے تھے۔
اسی طرح محرم کے جلوس میں جگن ناتھ مندر کے مہنت شامل ہوتے تھے، جو ہری جھندی دکھا کر تعزیہ کو روانہ کرتے تھے۔ ڈھیر سارے تحائف و انعامات سے عزہ داروں کو نوازتے تھے۔ رتھ یاترا و محرم قومی اتحاد کی عظیم مثال ہے۔
انہوں نے مزید کہا کہ اس سال کورونا وائرس کی خطرناک وبا کی وجہ سے رتھ یاترا کو منسوخ کر دیا گیا ہے، اب مندر کے احاطے میں ہی رتھ یاترا نکالی جاے گی۔
ایسے میں ہم نے دلت داس جی کو فون پر مبارکباد پیش کی اور ہم دعا کرتے ہیں کہ یہ تہوار امن و امان کے ساتھ مکمل ہو جائے اور کورونا وائرس کا خاتمہ ہوجائے۔
