وڈوڈرا میں موسلا دھار بارش کے سبب عوامی زندگی کافی متاثر ہوئی ہے۔
اسکائی مٹ ویدر نے ٹویٹ کے ذریعہ بتایا کہ "12 گھنٹوں کے دوران 554 ملی میٹر بارش ہوئی ہے جس کی وجہ سے گھروں میں پانی جمع ہوگیا اور لوگوں کو کافی مشکلات کا سامنا ہے۔
وڈودرا اور آس پاس کے علاقوں میں موسلا دھار بارش نے سیلاب جیسی صورتحال پیدا کردی ہے۔
وزیر اعلی وجئے روپانی نے شہر کی صورتحال کا جائزہ لینے لئے ایک اعلی سطحی اجلاس منعقد کیا۔ اور مقامی انتظامیہ کو مدد فراہم کرنے کے لیے دو آئی اے ایس افسران کو تعینات کیا گیا ہے۔
وزیراعلیٰ آفس کی جانب سے ایک بیان کے مطابق ، وزیر اعلی نے شہریوں کو نشیبی علاقوں سے محفوظ مقامات پر منتقل ہونے کی بھی اپیل کی ہے۔ نیشنل ڈیزاسٹر ریسپانس فورس (این ڈی آر ایف) کی ٹیموں کو ناقص مقامات پر تعینات کرنے کی اجازت دی گئی ہے۔
تمام اسکولوں اور کالجوں کو یکم اگست کو بند رہنے کا حکم دیا گیا ہے۔ وڈوڈرا ریلوے اسٹیشن بھی بند رکھا گیا ہے۔
