گجرات میں کورونا وائرس کے بڑھتے قہر کی وجہ سے ہر شام وزیر اعلی، نائب وزیر اعلی ایک کور کمیٹی کی میٹنگ کرتے ہیں اس کی اور آج کی اس میٹنگ کے دوران گجرات کے وزیر اعلی وجئے روپانی نے تین بڑے فیصلے لیے ہیں۔
پہلا فیصلہ یہ کیا گیا ہے کہ گجرات میں لاک ڈاؤن کو کامیاب بنانے،لوگوں کی حفاظت اور ضرورت مندوں کی ضروریات کو پورا کرنے کے دوران اگر کوئی پولیس سکیورٹی اہلکاروں کورونا سے متاثر ہو کر اپنی جان گنوا دیتا ہے تو اس کی فیمیلی کو گجرات حکومت 25 لاکھ کا معاوضہ فراہم کرے گی۔
دوسرا فیصلہ یہ کیا گیا ہے کہ گجرات کے ہر ضلع کے ہیڈکوارٹر میں 100 بیڈ پر اسپتال بطور آئیسولیشن وارڈ تعمیر کیا جائے گا۔
تاہم تیسرے فیصلے کے تعلق سے وزیر اعلی گجرات وجے روپانی نے بتایا کہ ریاست کے تمام اراکین اسمبلی 25 لاکھ کی گرانٹ کورونا وائرس سے متعلق علاج و معالجے، ادویات، وینٹیلیٹر، ڈائلیسس۔ جانچ کے سامان وغیرہ کے لیے گجرات ہیلتھ سوسائٹی کو دیں دی گے ۔
واضح رہے کہ گجرات کی موجودہ صورتحال کا منظم جائزہ لینے کے لیے وزیر اعلی وجئے روپانی اور نائب وزیر اعلی نتن پٹیل کی زیر صدارت کور کمیٹی کے اجلاس میں یہ تین اہم فیصلے لیے گئے۔
اس اجلاس میں ریاستی وزیر داخلہ پردیپ سنگھ جڈیجا، پرنسپل سکریٹری انیل مقیم سمیت اعلی عہدیدار موجود تھے۔
