امتحانات کے تاریخوں کے اعلان ہونے پر احمد آباد کی مشہور ایف ڈی اسکول کے طلبا نے اپنے تاثرات ای ٹی وی وی بھارت اردو پر شیئر کیے۔
ایف ڈی اسکول کی پرنسپل انیسہ شیخ نے ای ٹی وی نمائندہ سے بات چیت کرتے ہوئے بتایا کہ گزشتہ 31 دسمبر کو گجرات سیکنڈری اور ہائر سیکنڈری ایجوکیشن بورڈ کے امتحان کمیٹی کی ایک میٹنگ میں دسویں اور بارہویں جماعت کے امتحانات کی تاریخ کا اعلان کیا گیا تھا۔
واضح رہے کہ 10ویں جماعت کے امتحانات پانچ مارچ سے 17 مارچ تک ہوں گے جبکہ 12 ویں سائنس کے امتحانات پانچ مارچ سے 16 مارچ تک جاری رہیں گے۔ 12ہویں جنرل اسٹریم کے امتحانات پانچ مارچ سے شروع ہوکر 21 مارچ کو مکمل ہوں گے جبکہ کہ نویں اور گیارہویں جماعت کے سالانہ امتحانات سات مارچ سے 18 اپریل تک لیے جائیں گے۔
ایف ڈی سکول کے بارہویں کے طلبا سے جب ای ٹی وی نمائندہ نے بات کی تو انہوں نے بتایا کہ امتحانات کی تاریخوں کے اعلان ہونے سے وہ بے حد خوش ہے اور امتحان میں اول نمبر حاصل کرنے کے لیے سخت سے سخت محنت کر رہے ہیں۔
واضح رہے کہ دسویں اور بارہویں جماعت کے امتحانات میں کسی طرح کی کوئی غلطی یا کاپی کیس نہ ہو اس کے لیے گجرات سیکنڈری اور ہائر سیکنڈری ایجوکیشن بورڈ نے کافی سخت قانون بھی بنایا ہے جس کے تحت امتحانات کے تمام سینٹرز اور کمروں میں سی سی ٹی وی کیمرے نصب کیے گئے ہیں اور موبائل فون پر پوری طرح سے پابندی عائد کی گئی ہے۔
مزید یہ کہ امتحانی مراکز پر زیراکس مشین اور انٹرنیٹ استعمال کرنے پر بھی پابندی لگائی گئی ہے امتحانات کے آغاز سے ایک گھنٹہ قبل حاضر ہونے کے علاوہ کمروں میں مبصرین کو بھی یہ مشورہ دیا گیا ہے کہ وہ کسی بھی طرح کی شرم یا دباؤ کے بغیر اپنے فرائض انجام دیں۔
