ریاست گجرات میں میں گزشتہ چوبیس گھنٹوں کے دوران 1108 نئے معاملے سامنے آئے ہیں۔ تاہم اس دوران 24 افراد کورونا کی وجہ سے ہلاک ہوئے ہیں نیز 1032 لوگوں کو گزشتہ 24 گھنٹوں کے دوران ہسپتال سے ڈسچارج کیا گیا ہے۔
گجرات میں کورونا متاثرین کی کل تعداد 57982 ہو گئی ہے اور اب تک کورونا سے کل 2372 افراد ہلاک ہوئے ہیں جبکہ گجرات میں کورونا سے صحتیاب ہونے والوں کی کل تعداد 42412 ہیں۔
محکمہ صحت گجرات کے مطابق، گزشتہ 24گھنٹوں میں گجرات میں کورونا کے سب سے زیادہ معاملے سورت میں 293 درج کئے گئے ہیں۔ احمدآباد میں 156، بڑودہ میں 91، گاندھی نگر میں 44، بھاونگر میں 38، بناس کانٹھا میں 34، راج کوٹ میں 79، سریندر نگر میں 32، پاٹن میں 18 اور امریلی میں 26 معاملے درج ہوئے ہیں۔
ایک طرف احمد آباد میں کورونا وائرس کے متاثرین میں کمی دکھائی دے رہی ہے تو دوسری جانب سورت میں کورونا کے قہر میں بہت تیزی سے اضافہ ہوتا نظر آرہا ہے۔
واضح رہے کہ گجرات میں جب سے ان لوک شروع ہوا ہے تب سے کورونا وائرس کے کیسز میں ہر روز ریکارڈ توڑ اضافہ ہو رہا ہے اور اب ہر دن ایک ہزار سے زائد نئے معاملے سامنے آرہے ہیں۔
