اس تعلق سے مائناریٹی کوآرڈینیشن کمیٹی گجرات کے کنوینر مجاہد نفیس نے کہا کہ 20 فروری کو ہر سال عالمی یوم انصاف منایا جاتا ہے۔ اسی دن ہم نے وزیر اعظم نریندر مودی کو ایک مکتوب لکھ کر کہا ہے کہ ملک میں قومی اقلیتی کمیشن ہے، جس کی تشکیل پارلیمنٹ نے کی ہے۔
جس کے چیئرمین کا عہدہ 25 مئی 2020 سے خالی ہے اور اس کے اراکین کی بھی جگہ خالی ہے۔ اس کے علاوہ مرکزی حج کمیٹی کے چیئرمین کا عہدہ نو جون 2020 سے خالی ہے۔
انہوں نے کہا کہ گجرات میں اقلیتی وزارت نہیں قائم کی گئی ہے۔ گجرات حج کمیٹی کے چیئرمین کی جگہ تقریباً دو سال سے خالی ہے۔ اس کے علاوہ گجرات مائناریٹی فائنانس اینڈ ڈیولمپنٹ کارپوریشن کے چیئرمین اور کمیٹی کی جگہ 29 جولائی 2018 سے خالی ہے۔ ان تمام ڈیپارٹمنٹ کو جلد از جلد پر کرنے کی ضرورت ہے۔
مزید پڑھیں:
گجرات میں کورونا وائرس کے 348 نئے معاملے
مجاہد نفیس نے مطالبہ کہا کہ وزیراعظم آپ ملک میں سماجی انصاف کے اصول کو صحیح طریقے سے نافذ کرکے تمام اقلیتی اداروں میں خالی اسامیوں جلد از جلد پر کریں اور اقلیتوں کو قومی دھارے میں لانے، بین الاقوامی معاہدوں کے مناسب نفاذ کے لئے مناسب اقدامات کرنے کے لیے مناسب احکامات جاری کریں۔
