اتوار کے روز پولنگ ہوئی جس میں بلدیات میں 58.82 فیصد ووٹنگ ہوئی، جب کہ ضلع پنچائیت میں 65.80 فیصد ووٹ ڈالے گئے، اور تعلقہ پنچائیت میں 66.60 فیصد ووٹنگ ہوئی تھی۔
ریاستی الیکشن کمیشن نے پیر کو حتمی اعدادوشمار جاری کیے۔اتوار کو پولنگ کے دوران تین افراد کے ذریعہ دو ای وی ایم کو نقصان پہنچنے کے بعد ضلع داوڈ کے جھلوڈ تعلقہ کے گھوڈیا میں ایک بوتھ میں دوبارہ پولنگ ہوئی۔
عہدیداروں نے بتایا کہ اس بوتھ میں دوبارہ پولنگ کے دوران 50 فیصد کے قریب ٹرن آؤٹ ریکارڈ کیا گیا۔
وگھوڑیا تعلقہ کے ترسوا میں اتوار کو دیر شام پولنگ کے بعد ای وی ایم کو قبضے میں لینے کے الزام میں پولیس نے پیر کو وڈوڈرا سے 17 افراد کو گرفتار کیا ۔
وگھوڑیا پولیس اسٹیشن کے ایک افسر نے کہا کہ ہجوم نے دعوی کیا تھا کی ای وی ایم سے چھیڑ چھاڑ کی گئی تھی اور حالات کو قابو میں رکھنے کے لیے پولیس کو ہوا میں ایک راؤنڈ فائر کرنا پڑا اور چار آنسو گیس کے گولے داغے۔
