احمدآباد میں موجود وکلانگ سہایک کیندر نے معذوروں میں راشن کٹس تقسیم کی۔
احمدآباد کے وٹوہ علاقے میں موجود وکلانگ سہایک کیندر معذوروں کی خدمت کرنے والا ایک سرگرم ادارہ ہے جو ہمیشہ سے ہی کسی نہ کسی طریقے سے غریب معذوروں کی امداد کرتا رہتا ہے، ایسے میں لاک ڈاؤن کے دوران اس تنظیم نے اور بھی زیادہ امداد کر مثال قائم کی ہے۔
اس تعلق سے وکلانگ سہایک کیندر کے صدر بابو بھائی صابو والا نے کہا کہ لاک ڈاؤن میں جس طرح ہر آدمی پریشان حال ہیں اس سے زیادہ معذوروں، یتیم، بیوہ اور محتاج لوگ پریشان ہیں اس لیے ہم نے اب تک 600 سے زائد معذوروں میں راشن کٹ تقسیم کی ہے اور ساتھ ہی ایسے متاثرین کے گھر مفت میں کھانا پہنچایا ہے۔
کٹ حاصل کرنے وال ضرورت مند معذور افراد نے خوشی کا اظہار کرتے ہوئے کہا کہ کورونا وائرس کے بحران کے دوران وکلانگ سہایک کیندر کی جانب سے راشن، کھانا پہنچایا گیا جس کے وہ بے حد شکر گزار ہیں۔
