سابرمتی ندی میں چار لوگوں نے چھلانگ لگائی، دو ہلاک

ریاست گجرات میں احمدآباد شہر کی سابرمتی ندی میں آج چار لوگوں نے چھلانگ لگا دی جس میں دو لوگوں کی موت ہوگئی۔

فائربریگیڈ کے افسر سوروپ پردھان گڑھوی نے بتایا کہ کسی وجہ سے دو خواتین صبح بوٹنگ پوائنٹ سے سابرمتی ندی میں کود گئیں۔

اسی دوران انہیں بچانے کی کوشش میں ایک سیکورٹی گارڈ بھی ندی میں کود گیا جس سے ایک خاتون اور سیکورٹی گارڈ کی موقع پر موت ہوگئی جبکہ ایک خاتون کو باہر نکال کر اسپتال بھیج دیا گیا۔

تھوڑی دیر بعد سبھاش پل سے ایک اور شخص نے دریا میں چھلانگ لگا دی۔اسے اسپتال میں داخل کرا یا گیا ہے۔

مرنے والوں کی شناخت ابھی نہیں ہو سکی ہے۔

پولیس نے موقع پر پہنچ کرکارروائی شروع کر دی ہے۔