سورت میں آتشزدگی، سامان جل کر خاکستر

ریاست گجرات کے ضلع سورت میں بارڈولی علاقے میں 9 مکانوں میں زبرست آگ لگ گئی، جس کے سبب وہاں رکھا سامان جل کر خاکستر ہو گیا۔ اس حادثے میں کسی کے زخمی ہونے کی کوئی خبر نہیں ہے۔

فائر بریگیڈ کے افسر پی بی گڑھوی نے بتایا کہ اسٹیشن علاقے میں پلیٹنم مال کے نزدیک بھام کی چال کے ایک مکان میں لگی آگ نے نزدیک کے 9 مکانوں کو اپنی زد میں لے لیا۔

جس کی اطلاع ملتے ہی فائر بریگیڈ محکمے کی تین گاڑیوں کے ساتھ اس کے اہلکار موقع پر پہنچ گئے اور ان کی ڈھائی گھنٹے کی سخت مشقت کے بعد آگ پر قابو پالیا گیا، لیکن اس دوران مکانوں میں رکھا سارا سامان جل کر خاک ہو گیا۔ آگ لگنے کے دوران مکانوں کے رہائشیوں کو بحفاظت باہر نکال لیا گیا۔

ابھی تک کسی کے زخمی ہونے کی کوئی اطلاع نہیں ہے۔