آج اکثر انسان کو تجارت کرنے کے لیے بینک اور سرمایہ داروں سے لون لینا پڑتا ہے اور ادارے و سرمایہ کار عوام کو سود کی بنیاد پر لون فراہم کرتے ہیں۔ ایسے میں معاشرے کے نچلے اور متوسط طبقے کے لوگوں کو سود سے نجات دلانے کے لیے احمدآباد میں اسلامی طریقے کو اپناتے ہوئے انٹریسٹ فری سوسائٹی البرکہ کریڈٹ اینڈ کنزیومر کوآپریٹو سوسائٹی لمیٹڈ کو قائم کیا گیا ہے۔
البرکہ کریڈٹ اینڈ کنزیومر کوآپریٹو سوسائٹی لمیٹڈ کے صدر واصف حسین شیخ نے کہا کہ یہ سوسائٹی ہم نے اس لیے بنائی ہے کہ جو مسلمانوں کے چھوٹے موٹے کاروباری ہوتے ہیں انہیں اپنی چھوٹی موٹی ضرورتوں کے لیے بھی انہیں سرمایہ داروں سے سودی لون لینا پڑتا ہے، انہیں اس سے نجات دلانے کے لیے یہ سوسائٹی ہم قائم کی گئی ہے جس سے ہم عام لوگوں کو بنا سود کے لون دےکر لوگوں کی ضرورت کو پورا کریں گے۔
تو وہیں اس البرکہ کریڈٹ اینڈ کنزیومر کوآپریٹو سوسائٹی لمیٹڈ کے نائب صدر ثیوم خان کا کہنا ہے کہ یہ کوآپریٹو سوسائٹی کوئی چیریٹیبل آرگنائزیشن نہیں ہے اور ہم چاہتے ہیں کہ اس سوسائٹی کے ذریعے ہم نہ صرف لوگوں کی ضروریات پوری کریں گے بلکہ جو سود کی حرمت ہے جس کی اسلام میں ممانعت ہے اس کا بھی ایک منفرد ماڈل پیش کریں گے، ہم لوگوں کو اسلامی طریقے سے لون فراہم کریں گے۔
