مغربی ریلوے کو ملک میں لاک ڈاؤن کی مدت کے دوران مال گاڑیوں سے کل 4453.60 کروڑ روپے کی آمدنی ہوئی ہے۔
رابطہ عامہ کے افسر سمیت ٹھاکر کی طرف سے اتوار کے روز یہاں جاری ہونے والی ریلیز کے مطابق 22 مارچ سے 2 اکتوبر تک لاک ڈاؤن کی مدت کے دوران مجموعی طور پر 16786 ریکوں کا استعمال کیا گیا، جن میں مغربی ریلوے کے ذریعہ 35.36 ملین ٹن ضروری اشیا کی سپلائی کی گئی ہے۔
32953 مال گاڑیوں کا تبادلہ دیگر زونل ریلوں کے ساتھ کیا گیا۔ ان مال گاڑیوں سے حاصل ہونے والی کل آمدنی 4453.60 کروڑ روپے ہے۔ 3 اکتوبر کو تین خصوصی پارسل ٹرینیں مغربی ریلوے سے روانہ ہوئیں۔
یہ بھی پڑھیے
سبزیوں کی قیمت میں اضافہ: صارفین اور دکاندار دونوں پریشان
کورونا وائرس، عالمی وبا کے منفی اثرات کے باوجود مغربی ریلوے نے 23 مارچ سے 2 اکتوبر تک 1.40 لاکھ ٹن سے زیادہ وزن کے سامان 582 خصوصی پارسل ٹرینوں کے ذریعے ملک کے مختلف حصوں میں پہنچائے ہيں، جس میں بنیادی طور پر زراعتی مصنوعات، دوائیں، مچھلی، دودھ وغیرہ شامل ہیں۔ اس مال ڈھلائی سے حاصل ہونے والی آمدنی تقریبا 47.22 کروڑ روپے کی ہے۔
