راجکوٹ: کچھ علاقوں میں آج رات سے کرفیو کا نفاذ

گجرات کے ڈی جی پی شیوانند جھا نے بتایا کہ 'جن علاقوں میں کورونا وائرس تیزی سے پھیل رہا ہے، وہاں پر طبی معائنے کے لئے کرفیو نافذ کیا جائے گا۔'

راجکوٹ کے علاقے جنگلیشور اور راج لکشمی سوسائٹی کے علاقے میں آج آدھی رات سے کرفیو نافذ کردیا جائے گا۔ ایس آر پی کی تین کمپنیوں کو بھی مؤثر کرفیو کے لئے تعینات کیا جائے گا۔

اس کے علاوہ انہوں نے کہا کہ ڈیم کے کنارے علاقے میں آج آٹھ گھوڑ سواروں کو تعینات کیا گیا ہے۔ انہوں نے کہا کہ احمدآباد کے کرفیو متاثرہ علاقے میں لوگ ہدایات پر عمل نہیں کرتے۔ احمد آباد میں 82 افراد کو کرفیو کی خلاف ورزی کے الزام میں گرفتار کیا گیا ہے۔

انہوں نے مزید بتایا کہ سورت میں، کرفیو کی خلاف ورزی کے الزام میں 26 افراد کو گرفتار کیا گیا ہے۔

انہوں نے بتایا کہ ڈرون کے ذریعے سورت میں کرفیو کی خلاف ورزی کے چار جرائم درج ہوے ہیں۔ انہوں نے کہا کہ اگر کرفیو والے علاقوں میں لوگوں کا تعاون نہیں ملا تو قانونی کارروائی کی جائے گی۔ اس کے علاوہ، شیوانند جھا نے کہا کہ ریاست میں 41 ہزار 700 گاڑیاں ضبط سے چھوڑی گئی ہیں۔ انہوں نے کہا کہ ہمیں کورونا وائرس کی سنگینی کو سمجھنے کی ضرورت ہے۔