احمد آباد میں کورونا سے نمٹنے کے لیے چارج ڈاکٹر راجیو گپتا کو سونپا کیا گیا جس کے بعد آج پہلے ہی دن راجیو گپتا نے احمدآباد میونسپل کارپوریشن کے افسر ان کو طلب کر ایک میٹنگ منعقد اور کئی اہم فیصلہ لیے۔
اس میٹنگ کے دوران یہ فیصلہ لیا گیا کہ احمد آباد میں آئندہ سات دنوں تک ہوم ڈیلوری کی تمام خدمات بند کردی جائیں گی۔ اس دوران صرف دودھ اور ادویات کی دوکانیں کھلی رکھنے کی اجازت ہے۔ پھلوں اور سبزیوں کی لاریاں اور گروسری اسٹور بھی پوری طرح بند رہیں گے۔ یہ قانون آج رات 12 بجے سے نافذ ہوگا اور 15 مئی تک نافذ رہے گا۔ اس کے علاوہ ایک ہفتہ کے لئے سخت لاک ڈاؤن کا بھی حکم دیا گیا ہے۔
ڈاکٹر راجیو گپتا اور احمدآباد میونسپل کارپوریشن کے کمشنر وجے نہرا کی جگہ پر آے نئے کمشنر مکیش کمار نے آج ہائی کمان کے ساتھ میٹنگ کی جس میں راجیو گپتا نے پہلے ڈپٹی میونسپل کمشنر کو برخاست کردیا اور بعد میں احمد آباد کے لئے سخت فیصلوں کا حکم دیا۔
انہون نے شہر کے تمام 48 وارڈوں کے لئے کنٹینمنٹ اسٹریٹجی بنانے کا بھی حکم دیا ہےجس کے لیے سرکاری حکم نامہ بھی جاری کردیا گیا ہے
واضح رہے کہ جب سے ڈاکٹر راجیو گپتا اور مکیش کمار احمدآباد کے انچارج بنے ہیں تب سے ایک کے بعد ایک سخت فیصلے لینا شروع کردیا ہے۔ اس کے علاوہ 9 نجی اسپتالوں کو کوڈ ہسپتال قرار دیا جائے گا۔ ہر زون میں 500 کمروں کا 3 اسٹار ہوٹل نامزد کوڈ کے لئے مخصوص کیا جائے گا۔
نجی اسپتالوں اور نرسنگ ہومز کو 48 گھنٹوں کے اندر اسپتال کھولنے کا حکم دیا گیا ہے۔ اگر اسپتال اور نرسنگ ہومز کام نہیں کرتے ہیں تو لائسنس کو منسوخ کرنے تک سخت کارروائی کی جائے گی۔ کل سہ پہر سے دوبارہ حکمت عملی کے ساتھ ایک میٹنگ ہوگی۔
