ہاردک پٹیل نے منگل کے روز صحافیوں سے بات کرتے ہوئے کہا،' بی جے پی نوجوان مخالف ہے۔ یہی وجہ ہے کہ 25 سال کے نوجوان کو الیکشن لڑنے سے روکا گیا'۔
کانگریس نے نوجوان کو موقع دیا، مگر بی جے پی کو نہ جانے کون سا خوف تھا کہ اس نے الیکشن لڑنے سے روک دیا۔
جہاں تک معاملے کی بات ہے تو ہاردک سے حساس معاملہ تو بھوپال کی امیدوار پر ہے،کیونکہ ہاردک کانگریس میں ہے اور وہ بی جے پی میں۔ہم ملک سے محبت کرنے والے ہیں اور وہ ملک مخالف، اسلیے الیکشن لڑ سکتی ہیں۔'
انہوں نے مزید کہا کہ اس بار کانگریس گجرات میں اچھی حالت میں ہوگی۔ وہاں کی عوام نے بی جے پی کو ہرانے کا فیصلہ کر لیا ہے۔ سنہ 2017 کے الیکشن میں کچھ کمی رہ گئی تھی، مگر اس بار عوام نے فیصلہ کر لیا ہے۔'
غورطلب ہے کہ مالیگاؤں بم دھماکے کی ملزمہ سادھوی پرگیہ بی جے پی کے ٹکٹ پر بھوپال پارلیمانی حلقے سے لوک سبھا کی امیدوار ہیں۔ان کے مدمقابل کانگریس پارٹی سے امیدوار ریاست کے سابق وزیراعلی دگ وجے سنگھ ہیں۔
