ان پوسٹرز میں احمدآباد میونسپل کارپوریشن نے ایک بڑی بھول کرتے ہوئے تمام ہورڈنگ بورڈز میں شہر کا نام احمدآباد کی بجائے امداواد لکھا ہے جس پر مائناریٹی کوآرڈینیشن کمیٹی نے سوال اٹھائے اور ایک خط احمدآباد میونسپل کمشنر کو لکھا ہے۔
اس معاملے پر ای ٹی وی بھارت سے خصوصی بات چیت کرتے ہوئے مائناریٹی کوآرڈینیشن کمیٹی گجرات کے کنوینر مجاہد نفیس نے کہا کہ کروڑوں روپے خرچ کرکے احمدآباد میونسپل کارپوریشن نے ڈونالڈ ٹرمپ کی آمد کے لیے تشہیری پوسٹرز لگائے گئے ہیں اور ہارڈنگ بورڈز انگریزی، ہندی اور گجراتی زبان میں احمدآباد کا نام ہی غلط لکھا گیا ہے۔
دراصل ان تمام ہارڈنگز میں احمد آباد شہر کا نام امداواد لکھا گیا گیا ہے۔
واضح رہے کہ احمد آباد شہر کو یونیسکو نے ورلڈ ہیریٹیج سٹی کا درجہ سنہ 2017 میں دیا تھا، ورلڈ ہیریٹیج سٹی کا درجہ حاصل کرنے کے لیے کارپوریشن نے جو دستاویزات یونیسکو کو ان دنوں دیے تھے اس میں احمدآباد لکھا گیا تھا اس کے باوجود احمد آباد شہر کا نام مبینہ طور پر بگاڑ کر لکھا گیا ہے۔
اس تعلق سے انہوں نے کہا کہ 24 فروری کو احمد آباد میں میں نیشنل میڈیا کے ساتھ ساتھ انٹرنیشنل میڈیا بھی موجود رہے گا ان کی نظر میں جب شہر کے نام کی اسپیلنگ پر جائے گی تو اس سے بھارت کی شبیہ پر بھی اثر پڑ سکتا ہے
انہوں نے کہا کہ احمد آباد کا نام تبدیل کر حکومت 'کرنا وتی' کرنا چاہتی ہے لیکن ایسا نہ ہونے کے باوجود احمدآباد شہر کا نام بگاڑ کر امداواد کرنے کی کوشش کی جارہی ہے۔
مجاہد نفیس نے مطالبہ کرتے ہوئے کہا کہ شہری انتظامیہ سے یہ گزارش ہے کہ احمدآباد میونسپل کارپوریشن کی جانب سے لگائے گی تمام ہورڈنگ اور پوسٹر میں امداواد ہٹاکر اس میں احمدآباد دوبارہ لکھ کر لگایا جائے اگر ٹرمپ کے دورے سے پہلے اسے ٹھیک نہیں کرایا جائے گا تو متعلقہ تمام افسران اور ملازمین کے خلاف مختلف کی دفعات کے تحت کاروائی کا مطالبہ کیا جائے گا۔
