احمدآباد: آل انڈیا مشاعرہ کا انعقاد

کورونا وائرس کے سبب تمام طرح کے تہذیبی و ثقافتی پروگرام بھی بند ہو گیے ہیں لیکن اب کورونا وائرس سے کچھ راحت ملتے ہی تمام طرح کے پروگرام و اجلاس کی شروعات ہوچکی ہے ایسے میں شائن انڈیا سوشل اینڈ کلچرل اکادمی احمدآباد کی جانب سے ایک آل انڈیا مشاعرے کی نشست اور جشن بیس سال بے مثال جناب اقبال شیخ کا اہتمام کیا گیا۔

اس مشاعرے کی نشست میں ملک کے نامور شعراء حضرات نے شرکت کر اپنے بہترین کلام پیش کیے۔ احمدآباد کے گومتی پور علاقے کے کانگریس کے میونسپل کاونسلر اقبال شیخ گزشتہ 20 سال سے بحیثیت میونسپل کاونسلر اپنی خدمات انجام دے رہے ہیں، جن کی بیش بہا خدمات کو مدنظر رکھتے ہوئے اس آل انڈیا مشاعرے میں اقبال شیخ کو عوامی خدمت گار ایوارڈ سے نوازا گیا۔

ان کے ساتھ ہی اردو کی خدمت کرنے والے گجرات اردو ساہتیہ اکادمی کے ڈائریکٹر زین العابدین انصاری کو "خادم اردو زبان و ادب ایوارڈ" سے نوازا گیا۔

آل انڈیا مشاعرہ کا انعقاد

اس موقع پر اجین کی مشہور شاعرہ شبنم علی شبنم کو "ستارہ سخن ایوارڈ" سے نوازا گیا، جس پر خوشی کا اظہار کرتے ہوئے شبنم علی شبنم نے کہا کہ گجرات میں اردو ادب کو فروغ دینے کے لیے بہترین کاوشیں اور خدمات انجام دی جا رہی ہیں اور آج مجھے ستارہ سخن ایوارڈ سے نوازا گیا۔ اس کے لیے میں مہتمم حضرات کا دل سے شکریہ ادا کرتی ہوں۔