Gujarat Assembly Election Results 2022 یہ کاؤنٹنگ کی شروعات ہے، ابھی کچھ بھی کہنا درست نہیں ہوگا، ایم آئی ایم ترجمان

گجرات اسمبلی انتخابات کے نتائج کے لیے ووٹوں کی گنتی جاری ہے۔ اب تک ووٹوں کی گنتی میں اے آئی ایم آئی ایم کا کوئی بھی امیدوار مقابلے میں نظر نہیں آ رہا ہے۔ AIMIM in Gujarat

احمدآباد: گجرات میں آل انڈیا مجلس اتحاد المسلمین بھی اسمبلی انتخابات میں اپنے 13 امیدواروں کو میدان میں اتارا ہے جس میں 11 امیدوار مسلم ہیں۔ اب تک ووٹوں کی گنتی میں اے آئی ایم آئی ایم کا کوئی امیدوار مقابلے میں نظر نہیں آ رہا ہے، حالانکہ کہ ابھی کاؤنٹنگ کی شروعات ہے۔ آل انڈیا مجلس اتحادالمسلمین کے ترجمان دانش قریشی نے کہا کہ 'ابھی کچھ بھی کہنا درست نہیں ہوگا۔ کتنی سیٹ پر ہمیں جیت حاصل ہوگی، اس کا فیصلہ تو فائنل نتائج میں ہی ہوگا اور ہار جیت سیاست میں لگی رہتی ہے، ہم ان نتائج کے بعد اپنی آگے کی پلاننگ کریں گے۔' AIMIM Spokesperson Danish Qureshi Statement

واضح رہے کہ گجرات اسمبلی انتخابات کے نتائج کے لیے ووٹوں کی گنتی صبح 8 بجے سے شروع ہو گئی ہے۔ پہلے پوسٹل بیلٹ کی گنتی ہوئی۔ واضح رہے کہ گجرات میں دو مرحلوں میں پولنگ ہوئی ہے۔ پہلے مرحلے میں 60.20 فیصد اور دوسرے مرحلے میں 64.39 فیصد ووٹنگ ہوئی تھی۔ وہیں ہماچل پردیش میں ایک ہی مرحلے میں 75 فیصد پولنگ ہوئی۔ Gujarat Assembly Election Results 2022