لاک ڈاون کے سبب پیدہ شدہ حالات سے مجبور آٹو والوں سے ای ٹی وی بھارت کی نمائندہ روشن آرا نے بات کی
آٹو رکشا ڈرائیور احمد حسین نے اپنی روداد بتاتے ہوئے کہا کہ وہ گذشتہ پانچ سالوں سے احمدآباد ریلوے اسٹیشن پر آٹو چلا کر زندگی گدارہے ہیں ۔ مگرلاک ڈاؤن کے سبب ان کی حالت ناگفتہ بہ ہوگئی ہے ۔
انہوں نے کہا کہ آٹو چلانے سے چار سو پانچ سو روپے کی آمدنی ہو جاتی تھی لیکن جب سے رکشے چلانے پر پابندی لگائی گئی ہے تب سے گھر میں آفت آن پڑی ہے ۔آٹو چلاکر کمانے کے علاوہ آمدنی کے دیگر ذرائع بھی نہیں ہیں ۔
انہوں نے مزید کہا کہ حکومت نے حالات کے پیش نظر آتم نربھراسکیم کا اعلان کیا ہے ۔مگر اب تک اس کے لیے کسی طرح کا انتظام نہیں کیاگیا ہے۔ اس سلسلے میں تاحال کوئی فارم نہیں بھرے گیے ۔اس لیے وہ چاہتے ہیں کہ آٹو رکشا یونین اپنے تمام ڈرائیورز کے لیے کچھ مخصوص انتظام کرے اور حکومت سے ان کی روزی روٹی کیلئے یے کوئی خاص پیکج کا اعلان کرے۔
وہیں ایک دوسرے آٹو رکشہ ڈرائیور نثار احمد کا کہنا ہے کہ دو مہینے سے رکشہ بند رہنے کے سبب روزی روٹی کا ذریعہ بند ہوگیا ہے۔ رکشہ دن بدن خراب ہوتی جارہی ہیں اور گھر کے حالات بھی بہت خراب ہوچکے ہیں ۔ کسی طرح کی کوئی امدد نہیں ملی ہے ۔آٹو رکشہ چلا کر ہی اپنا اور اپنے گھر والوں کا پیٹ پالتے تھے۔ رکشا اپنے گھر کے حالات اور بے روزگاری دور کرنے کے لیے خریدا تھا لیکن اب یہ رکشہ غیر ضروری شئے کی طرح ایک کنارے میں پڑی ہوئی ہے.
ایسے میں حکومت سے مطالبہ ہے کہ جلد از جلد مصیبت کا حل نکالیں اور آٹو رکشہ والوں کے لیے کوئی خاص قدم اٹھائیں
