احمد آباد میں ہما سزگر نے اسی مسلم خواتین جو گھریلو صنعت سے وابستہ ہیں انہیں ایک پلیٹ فارم پر لاکر ان کے کاروبار کو قومی سطح تک پہنچانے کے لیے اس ایگزیبیشن کا اہتمام کیا تھا۔ رمضان ایگزیبیشن میں بڑی تعداد میں لوگوں نے شرکت کی اور اپنی ضروریات کی چیزیں خریدی۔ اس تعلق سے ایگزیبیشن کی آرگنائزر ہما سزگر نے کہا کے کورونا وائرس سے راحت ملتے ہی ہم نے خواتین کو تجارتی میدان میں لانے کے لیے اس ایگزیبیشن کی شروعات کی اور آج گاندھی ہال میں اس کا اہتمام کیا گیا۔
ہُما سرکز نے بتایا کہ اس ایگزیبیشن میں گجرات کے مختلف علاقوں سے آئے لوگوں نے اپنے 100 سے زیادہ اسٹالز لگائے ہیں جہاں ہر طرح کی اشیاء ایک ہی چھت کے نیچے مل جائیں گی۔ انہوں نے بتایا کہ اس ایگزیبیشن کا لوگوں کی جانب سے اچھا رسپانس مل رہا ہے۔ اس کے علاوہ یہاں اسٹال لگانے والی خواتین نے کہا کہ ہُما سزگر کی وجہ سے انہیں اپنے کاروبار کو زیادہ سے زیادہ لوگوں تک پہنچانے کا موقع ملا ہے۔ خواتین نے بتایا کہ 'لوگ ہمارے سامان خریدنے آرہے ہیں۔ یہاں کپڑے، جیولری، رمضان آٹم، کھجور، مسالحے، ڈٹرجنٹ، چپل ،برتن، کھلونے اور سجاوٹ کے سامان وغیرہ کا اسٹال لگایا گیا ہے۔
