اس مہینے کے آخر میں امریکی صدر ڈونلڈ ٹرمپ کے دورہ ہند سے قبل ریاست گجرات میں احمد آباد میونسپل کارپوریشن جُھگیوں کو چھپانے کے لیے دیواریں تعمیر کر رہا ہے۔
تاہم احمد آباد سٹی میئر بیجل پٹیل نے اس سلسلے میں معلومات سے انکار کیا ہے۔
پٹیل نے یہاں نامہ نگاروں کو بتایا کہ 'میں نے دیوار نہیں دیکھا ہے۔ میں اس کے بارے میں کچھ نہیں جانتی'
بدھ کے روز ٹرمپ کے احمد آباد کے دورے سے قبل سابرمتی آشرم میں مکمل طور پر سکیورٹی کا جائزہ لیا گیا۔
ٹرمپ 24-25 فروری کو دو روزہ بھارت کا دورہ کریں گے۔
وزارت خارجہ (ایم ای اے) نے ایک بیان میں کہا ہے کہ 'اس دورے کے دوران امریکی صدر ڈونلڈ ٹرمپ وزیراعظم نریندر مودی کی دعوت پر اپنی اہلیہ میلینیا کے ساتھ دو روزہ دورے پر بھارت آنے والے ہیں۔'
اس دوران نئی دہلی اور احمد آباد کا دورہ کریں گے اور بھارتی عوام سے بات چیت کریں گے۔
ٹرمپ اور وزیراعظم مودی 24 فروری کو گجرات کے احمد آباد پہنچیں گے۔ یہاں دونوں رہنما روڈ شو کریں گے۔
ٹرمپ کے پہلے بھارتی دورے کا اعلان اس سے پہلے وہائٹ ہاؤس نے پیر کے روز کیا تھا، جس نے ایک بیان میں کہا تھا کہ امریکی صدر اور وزیر اعظم مودی نے حالیہ فون گفتگو کے دوران اس بات پر اتفاق کیا ہے کہ اس سفر سے امریکہ کو مزید تقویت ملے گی۔ بھارت اسٹریٹیجک شراکت داری، امریکی اور بھارتی عوام کے مابین مضبوط اور پائیدار تعلقات کو اجاگر کرے گا'۔
