گجرات کے ہاٹکیشور علاقہ میں اے ایم ٹی ایس بس اسٹیشن کے پیچھے آنے والی کرما بھومی سوسائٹی کے ایک مکان میں مندر جل رہے دیے کی وجہ سے آگ لگ گئی۔ بتایا جا رہا ہے کہ جلتے دیے کو چوہے نے کھینچا، جس کے بعد گھر کے رکھے سبھی کپڑوں آگ لگ گئی۔ آگ لگنے سے پورا گھر جل گیا ہے۔A fire broke out in a House in Gujarat
مقامی لوگوں نے پائپ کے ذریعے پانی کی موٹر چلا کر آگ پر قابو پانے کی کوشش بھی کی۔ تاہم آگ پر قابو نہیں پایا جاسکا اور فائر بریگیڈ کو طلب کرلیا گیا۔ اس کے ساتھ 2 لاکھ روپے کی نقدی بھی جل گئی ہے۔ جس کے بعد فائر بریگیڈ کی ٹیم نے موقع پر پہنچ کر پانی سے آگ پر قابو پالیا۔ اہم بات یہ ہے کہ احمد آباد کے ہاٹکیشور علاقے میں اے ایم ٹی ایس بس اسٹیشن کے پیچھے کرما بھومی سوسائٹی کے رہنے والے تاجر ونود بھائی کے گھر میں آج صبح 10 بجے آگ لگ گئی۔
تاجر ونود بھائی کے مطابق چیترا نوراتری کی وجہ سے انہوں نے گھر میں دیا (چراغ) جلایا تھا۔ اس کے بعد جیسے ہی چوہے نے جلتے ہوئے چراغ کو گھسیٹا تو پورے گھر میں آگ لگ گئی۔ گھر میں آگ لگنے سے گھر میں رکھے دو لاکھ روپے بھی جل کر راکھ ہو گئے۔ آگ میں کسی جانی نقصان کی اطلاع نہیں ہے۔ فائر بریگیڈ کی ٹیم نے آگ پر قابو پالیا۔ مقامی لوگوں نے بھی آگ بجھانے کی کوشش کی تھی۔
