محکمہ صحت گجرات کے جاری کردہ اعدادوشمار کے مطابق گجرات میں گزشتہ 24 گھنٹوں میں کورونا کے ریکارڈ توڑ 580 نئے معاملے درج کیے گئے ہیں۔
کورونا کی وجہ سے گزشتہ چوبیس گھنٹوں میں گجرات میں 25 افراد ہلاک ہوئے ہیں جبکہ اس دوران 655 مریضوں کو اسپتال سے ڈسچارج کیا گیا ہے۔ اس طرح گجرات میں کورونا معاملوں کی کل تعداد 27317 ہوگئی ہے۔ گجرات میں اب تک 1664 افراد اس مہلک وبا سے ہلاک ہوئے ہیں جبکہ اب تک کل 19357 افراد کو ہسپتال سے چھٹی دی جا چکی ہے۔
واضح رہے کہ گزشتہ چوبیس گھنٹوں میں احمدآباد میں سب سے زیادہ 273 معاملے درج کیے گئے ہیں جبکہ 24 گھنٹوں میں سورت میں کورونا وائرس کے 176 نئے کیسز آئے ہیں۔ وڈودرا میں 41 جبکہ گاندھی نگر میں کورونا کے 15 نئے معاملے سامنے آئے ہیں۔
