احمدآباد میونسپل کمشنر وجئے نہرا نے بتایا کہ جو لوگ کورونا وائرس کو ہرا چکے ہیں ان میں دوبارہ انفیکشن کا امکان کم رہتا ہے جبکہ وہ دیگر مریضوں کی بڑھ چڑھ کر خدمت کرسکتے ہیں۔
احمدآباد میں کورونا وائرس کے کیسس میں اضافہ ہورہا ہے اور یہاں میونسپل کی جانب کوویڈ کیر سینٹر قائم کیا گیا ہے جہاں کورونا وائرس کی علامات ظاہر ہونے والے 18 تا 60 سال کی عمر کے افراد کو رکھا جائے گا جو دیگر عارضوں میں مبتلا نہ ہوں۔
نہرا نے بتایا کہ ان سنٹرس میں رضاکاران طور خدمت انجام دینے کےلیے پانچ افراد جو کورونا وائرس سے صحتیاب ہوچکے ہیں راضی کرلیا گیا ہے۔ انہوں نے بتایا سنٹر میں خدمت انجام دینے والوں کو پی پی ای دستیاب کرائے جائیں گے۔
انہوں نے بتایا کہ کویڈ کیر سنٹر کو ڈبلیو ایچ او اور مرکزی حکومت کے رہنمایانہ اصولوں کے مطابق قائم کیا گیا ہے جبکہ یہاں ڈاکٹرز اور دیگر طبی عملہ مناسب تعداد میں دستیاب ہے۔
احمد آباد میں اب تک 243 کیسس مثبت پائے گئے جبکہ ان کی وجہ سے دس اموات بھی ہوئی ہیں۔
