گجرات میں کورونا وائرس کا قہر مسلسل جاری ہے، وہیں ساتھ میں کورونا سے شفایاب ہونے والے مریضوں کی تعداد میں بھی بہت تیزی سے اضافہ ہو رہا ہے۔
کورونا وائرس سے اب تک گجرات میں 4100 سے زائد افراد ہلاک ہو چکے ہیں جس کے سبب گجرات میں اب تک کورونا سے مرنے والوں کی کل تعداد 4182 پر پہنچ گئی ہے۔ گجرات میں گزشتہ 24 گھنٹوں کے دوران 11 افراد ہلاک ہوئے ہیں تو وہیں 24 گھنٹوں کے دوران گجرات میں کورونا وائرس کے اب تک کے سب سے زیادہ 1120 نئے معاملے سامنے آئے ہیں۔
گجرات میں اب تک کل دو لاکھ 28 ہزار 803 پازیٹیو معاملے سامنے آئے ہیں جبکہ گجرات میں کورونا کو شکست دے کر اپنے گھر جانے والوں کی کل تعداد دو لاکھ 11 ہزار 603 پہنچ گئی ہے۔ تاہم گزشتہ 24 گھنٹوں کے دوران 1387 افراد کو اسپتال سے ڈسچارج کیا گیا ہے۔
واضح رہے کہ موجودہ وقت میں گجرات میں 13 ہزار 18 معاملے ایکٹیو ہیں، ان میں سے 63 مریض وینٹیلیٹر پر ہیں۔ وہیں 12 ہزار 955 مریضوں کی حالت مستحکم ہے۔ گجرات میں کورونا وائرس کے اب تک 87 لاکھ 25 ہزار 383 نمونوں کی جانچ کی جاچکی ہے۔
محکمہ صحت گجرات کے مطابق گزشتہ 24 گھنٹوں میں گجرات میں کورونا کے سب سے زیادہ معاملے احمدآباد میں 239، سورت میں 146، بڑودہ میں 110، گاندھی نگر میں 34، بھاونگر میں 13، بناس کانٹھا میں 13، راجکوٹ میں 102، سریندر نگر میں 31، پاٹن میں 9، امریلی میں 17، جام نگر میں 21، مہسانہ میں 47، کچھ میں 17 معاملے درج ہوئے ہیں۔
