ریاست میں 11 نئے کیسس کورونا وائرس سے مثبت پائے گئے جس کے بعد متاثرین کی تعداد 29 ہوگئی۔
کورونا وائرس کی بڑھتی تعداد کو لے کر گجرات اسٹیٹ کنٹرول روم نے ایک لسٹ جاری کی ہے جس میں بتایا گیا ہے کہ اب تک گجرات میں 29 مثبت کیسس درج کئے گئے ہیں اور کوویڈ 19 کی وجہ سے ایک 67 سالا شخص کی موت ہو چکی ہے۔
اب تک گجرات کے احمدآباد میں 13، سورت میں 4، راجکوٹ میں ایک، وڈودرا میں 6، گاندھی نگر میں 4 کے علاوہ ایک اور معاملہ درج کئے گئے۔
واضح رہے کہ کورونا وائرس کے بڑھتے قہر کی وجہ گجرات کے 6 اضلاع کو 25 مارچ تک لاک ڈاون کیا گیا ہے جس میں گاندھی نگر، احمدآباد، سورت، وڈودرا، راجکوٹ و دیگر شامل ہیں۔
پولیس نے عوام سے صرف ضروری کام ہونے پر ہی گھروں سے باہر نکلنے کی اپیل کی ہے اور تمام اضلاع میں دفعہ 144 نافذ کیا گیا ہے۔
