یوم خواتین موقع پر فوج کی 34 آسام رائفلز ووسن بٹالین نے گاندربل کے کنگن میں خواتین کے لیے آل فیمیل ڈرائیونگ کورس کا انعقاد کیا ہے۔ اس دوران دس دن کا ڈرائیونگ کورس لڑکیوں کو آٹوموبائل ڈرائیونگ کی مہارت حاصل کرنے کا موقع فراہم کر رہا ہے۔ تاکہ وہ اپنے کام کی جگہ اور اس سے متعلق دیگر ضروریات کے لیے گاڑیاں چلا سکیں۔ ڈرائیونگ کی مہارت حاصل کرنے سے خواتین کے لیے خود انحصاری کی راہ ہموار ہوگی۔ فوج کی طرف سے شروع کی گئی پہل کو خواتین نے بڑے پیمانے پر سراہا ہے۔
مزید پڑھیں:Awantipora Encounter اونتی پورہ تصادم میں ایک فوجی اور دو عسکریت پسند ہلاک
کیونکہ اس سے انہیں خود پر انحصار کرنے میں مدد ملے گی۔ اس قسم کے کورسز کشمیری خواتین کو بااختیار بنانے کی جانب بہت آگے جائیں گے۔ واضح رہے کہ فوج کی اس بٹالین نے اسے پہلے بھی اس علاقے میں بےروزگار نوجوان لڑکے اور لڑکیوں کےلئے کئی طرح کے کورسز کا انعقاد کیاہے۔ تاکہ اس علاقے میں بے روزگاری کی شرح کم ہوکر ایسے لوگ خود روزگار کمانے کے قابل ہونگے۔ اس دوران علاقے کی کئی خواتین نے فوج کا شکریہ ادا کرکے ایسے مزید کورسز کرنے کی اپیل کی ہے۔
