جموں کشمیر بورڈ آف اسکول ایجوکیشن کی دسویں جماعت کے نتائج کا اعلان کر دیا گیا ہے۔ امتحان میں وادی کشمیر کے متعدد طلبا و طالبات نے شاندار کامیبابی حاصل کر کے اپنا، اپنے والدین اور اسکول کا نام روشن کیا ہے۔
اس دوران مذکورہ طالبہ کی کامیابی پر مقامی لوگوں، اسکول عملے اور والدین نے خوشی کا اظہار کیا ہے۔
تبسم گلزار نے اپنی کامیابی پر اللہ کا شُکر ادا کرتے ہوئے کہا کہ میری کامیابی کا سہرا گھر والوں اور استادوں کو جاتا جنہوں نے میرا ساتھ دیا۔ انہوں نے کہا کہ میں نے امتحان کے لیے ٹائم ٹیبل بنایا اور میں روزانہ 8-9 گھنٹے پڑھتی تھی اور دن میں زیادہ سے زیادہ دو گھنٹے سوتی تھی۔
'بین الاقوامی سطح پر گلمرگ سرمائی کھیلوں کا مرکز ہوگا'
تبسم کے والد گلزار احمد شیخ نے بتایا میں اکثر گھر سے باہر رہتا ہوں۔ جب بھی میں گھر واپس آتا تھا تو اپنی بیٹی سے اسٹڈی کے بارے میں پوچھتا اور خود بھی اس کو پڑھاتا تھا۔ آج میں بہت خوش ہوں کہ میری بیٹی نے ٹاپ کیا ہے۔ وطلر پبلک سکول انتظامیہ نے ان کے گھر آکر انہیں مبارکباد پیش کی کی۔ پرنسپل نے کہا کہ اسکول انتظامیہ کے بعد والدین کی محنت تھی جس کی وجہ سے بچی نے ٹاپ کیا۔
