مانسبل سیکٹر کے زیر اہتمام ’’کھیلو انڈیا‘‘ مہم کے تحت ضلع گاندربل میں قومی سطح کی انڈر 14خواتین ہاکی ٹیم اور جموں کشمیر خواتین ہاکی ٹیم کے درمیان دوستانہ میچ منعقد کیا گیا۔
ریاست پنجاب کے امرتسر شہر سے آئی قومی سطح کی خواتین ہاکی ٹیم کے ساتھ دوستانہ میچ کے اختتام کے بعد مقامی کھلاڑیوں نے بتایا کہ ’’کشمیر میں ٹیلنٹ کی کوئی کمی نہیں، تاہم کھیل کے میدان، سپورٹ، کوچز کی کمی کے باعث کھلاڑیوں کی بہتر تربیت نہیں ہو پاتی۔‘‘
انہوں نے کہا کہ مقامی کھلاڑیوں کی اگر بہتر کوچنگ کے جائے تو وہ بھی بہترین کھیل کا مظاہرہ کرکے بآسانی قومی سطح پر نمائندگی کر سکتے ہیں۔
مزید پڑھیں؛ گاندربل: ناگبل کے النور ڈائلیسس سینٹر میں آتشزدگی
وہیں، کھالسا ہاکی ٹیم (امرتسر)، پنجاب سے وابستہ کھلاڑیوں نے یہاں کے موسم، لوگوں اور مہمان نوازی کی تعریف کرتے ہوئے کہا کہ ’’اگر یہاں کے کھلاڑیوں کو بہتر سامان، میدان اور کوچز فراہم کیے جائیں گے تو وہ بھی بہترین کھیل کا مظاہرہ کر سکتی ہیں۔‘‘
