خبر کے مطابق لار ولی وار میں اس وقت سنسنی پھیل گئی جب پیر کے روز بعد دوپہر فیاض احمد غازی کے گھر میں اچانک آگ لگ گئی، بتایا جارہا ہے کہ آگ اس قدر ہولناک تھی کہ اس نے دو مزید رہائشی مکانوں کو اپنے لپیٹ میں لے لیا۔
گاندربل: ولی وار علاقے میں آتشزدگی، تین مکان جل کر خاکستر
اس دوران آگ کی خبر پھیلتے ہی مقامی لوگوں اور فائر اینڈ ایمرجنسی سروس نے بروقت کارروائی کر کے آگ کو مزید پھیلنے سے روک دیا تاہم آگ کے اس واقعہ میں تینوں مکان مکمل طور پر جل کر خاکستر ہوگئے، جب کہ تین مکانوں میں موجود لاکھوں روپیہ کا ساز و سامان راکھ کے ڈھیر میں تبدیل ہوگیا۔ پولیس نے اس واقعہ کے ضمن میں رپورٹ درج کرتے ہوئے تحقیقات کا آغاز کردیا ہے۔
