’اپیل دائر کرنے کا مقصد متاثرہ کو انصاف دلانا ہے‘

وادی کشمیر کے شمالی ضلع بانڈی پورہ میں کمسن بچی کے ساتھ مبینہ جنسی زیادتی کے بعد ریاست بھر میں غم و غصے کا ماحول ہے تو وہیں ریاست سے باہر مقیم افراد بھی اس شرمناک واقعے کے خلاف اپنے غصے کا اظہار کر رہے ہیں۔

جہاں ایک طرف ریاست کے لوگ سڑکوں پر نکل کر اس جنسی زیادتی کے خلاف احتجاج کر رہے ہیں وہی وسطی ضلع گاندربل سے تعلق رکھنے والے سید کرار ہاشمی نے کمسن بچی کو انصاف دلانے کے لئے ایک پٹیشن دائر کی ہے۔

اس پٹیشن پر ابھی تک تیس ہزار سے زائد لوگوں نے اپنے دستخط کرکے ملزم کو سبق آمیز سزا کی مانگ کی ہے۔

کرار ہاشمی جو گاندربل کے ڈب علاقے سے تعلق رکھتے ہیں ان دنوں ایران میں اپنی تعلیم حاصل کر رہے ہیں۔