وسطی کشمیر کے ضلع گاندربل میں نیشنل فائر سروس ڈے کی نسبت سے ایک تقریب کا اہتمام کیا گیا۔ تقریب میں ڈیوٹی کے دوران اپنی قیمتی جانوں کا نذرانہ پیش کرنے والے فائر فائٹرس کی خدمات کو یاد کرتے ہوئے انہیں شاندار الفاظ میں خراج عقیدت پیش کیا گیا۔ ڈیوٹی کے دوران فوت ہونے والے فائر ٹینڈرز کے اعزاز میں دو منٹ کی خاموش بھی اختیار کی گئی۔ National Fire Service Week Observed in Ganderbal
پروگرام کے دوران فائر اینڈ ایمرجنسی کے اعلیٰ افسران نے فائر فائٹرز سے اس دن کی اہمیت حوالے سے روشنی ڈالی۔ وہیں انہوں نے جوانوں سے ناگہانی و قدرتی آفات و حادثات کے دوران عوامی جان و مال کی زیادہ سے زیادہ حفاظت کرنے کو یقینی بنانے اور اپنی خدمات جوش و جذبے کے ساتھ سرانجام دینے کی تلقین کی۔ اس موقع پر فائر اینڈ ایمرجنسی عملہ کی جانب سے ماک ڈرل کا بھی اہتمام کیا گیا۔ Mock Drill on National Fire Service Week
ہفتہ بھر جاری رہنے والے ’’فائر سروس ویک‘‘ کے دوران محکمہ کی جانب سے حادثات خصوصا آتشزدگی کے دوران بچاؤ اور حفاظتی اقدامات کے بارے میں بھی فائر ٹینڈرز کو معلومات اور ٹریننگ دی جائے گی۔ انہوں نے مزید کہا ’’فائر سروس ویک‘‘ کے دوران خصوصی پروگرام منعقد کیے جا رہے ہیں جن میں عوام الناس بشمول طلبا و دیگر اسٹیک ہولڈرز کو حفاظت اور آگ سے بچاؤ کے اقدامات کے بارے میں حساس بنایا جائے۔
