عالمی یوم ماحولیات پر سونہ مرگ میں صفائی مہم کا اہتمام

گاندربل عالمی یوم ماحولیات کے موقع پر سونہ مرگ جیسے اہم صحت افزا مقام پر صفائی مہم کا انعقاد کیا گیا۔

اس مہم کا اہتمام سونہ مرگ ڈویلپمنٹ اتھارٹی نے محکمہ سیاحت کے اشتراک سے کیا تھا جس کو سی ای او سونہ مرگ ڈویلپمنٹ اتھارٹی مشتاق احمد راتھر اور ڈپٹی ڈائریکٹر ٹورازم احسن الحق چستی نے ہری جھنڈی دکھا دی ہے۔

عالمی یوم ماحولیات، جو ہر سال 5 جون کو پوری دنیا میں منایا جاتا ہے ۔ یہ دن لوگوں کو یہ بتانے کے لئے منایا جاتا ہے کہ اپنے آس پڑوس کو ہم کس طرح سے صاف رکھ کر ماحول کو آلودگی سے بچایا جا سکے ۔ اس مہم میں سونہ مرگ ہوٹل مالکان، سونہ مرگ بیوپار منڈل اور مقامی افراد نے حصہ لیا جنہوں نے اس پورے علاقے سے پالیتھین ، پلاسٹک کے تھیلے اور پلاسٹک کی بوتلوں سمیت دیگر طرح کی گندگی کو اکٹھا کیا اور اسے سربل میں موجود ویسٹ مینجمنٹ پلانٹ میں ڈال دیا۔ اس موقع پر ڈپٹی ڈائریکٹر محکمہ سیاحت نے کہا کہ خصوصی دن کی مناسبت سے ماحولیاتی نظام کی بحالی کے بارے میں آگاہی اور عزم بڑھانے کے مقصد سے پوری وادی میں پروگراموں کا انعقاد کیا جارہا ہے ۔

انہوں نے سونمرگ جیسے اہم صحت افزا مقام پر سیاحت کی ترقی کے لئے صفائی ستھرائی اور تحفظ ماحول کی اہمیت پر بھی روشنی ڈالی اور اس سلسلے میں تمام متعلقہ افراد سے تعاون کی خواہش کی۔