اسی طرح کا ایک منظر وسطی کشمیر کے گاندر بل ضلع کے گوٹلی باغ علاقے میں بھی پیش آیا جہاں پولیس پر پتھراؤ کیا گیا۔
پولیس کے مطابق گوٹلی باغ ریڈ زون علاقہ ہے جس میں چند لوگ نماز پڑھنے کے لیے مساجد میں جمع ہوگئے تھے تاہم پولیس جب جائے واردات پر پہنچی تو مقامی لوگوں نے پولیس پر پتھراؤ کیا جس کے بعد پولیس نے ان پرلاٹھی چارج کیا۔
وہیں مقامی لوگوں کا بھی الزام ہے کہ 'بلاوجہ پولیس نے ایک نوجوان پر لاٹھی چارج کیا اور گالی گلوچ کی جس کی وجہ سے لوگ آگ بگولہ ہوگئے۔'
ایس ایس پی گاندربل خلیل احمد پوسوال نے کہا کہ ''پولیس اپنی ڈیوٹی انجام دیتے ہوئے علاقے میں لاک ڈاؤن نافذ کرارہی تھی تاہم چند خود غرض لوگوں نے لاکھ کی پامالی کرکے مسجد میں نماز پڑھنے گئے اور پولیس کو دیکھتے ہی ان پر پتھراؤ کرنے لگے۔''
انہوں نے مزید کہا کہ ''پولیس نے ایک ایف آئی آر درج کر کے ایک شخص کو حراست میں لیا ہے تاہم باقیوں کی تلاش باقی ہے۔''
