مظاہرین میں شامل لوگوں کا مطالبہ تھا کہ انہیں نالہ سندھ گاندربل سے ریت اور باجری نکالنے کی اجازت دی جائے- ان کا کہنا تھا کہ وہ اسی کام سے اپنے اہل خانہ کی کفالت کرتے ہیں اور اگر اس طرح سے انہیں ریت یا باجری نکالنے سے روکا گیا تو وہ فاقہ کشی پر مجبور ہون گے-
ریت اور باجری نکالنے کی اجازت دی جائے: مظاہرین
خیال رہے کہ سرکار نے حال ہی میں دریائوں و نالوں سے ریات یا باجری از خود نکالنے پر پابندی لگادی ہے اور اس کام کے لیے باضابطہ کنٹریکٹ نظام کا قیام عمل میں لانے کی ہدایات دی ہے۔ جس کے پیش نظر اس طرح سے آزادانہ طور پر یہ غیر قانونی تصور کیا جاتا ہے-
احتجاجی مظاہرے میں شامل درجنوں افراد ضلع گاندربل کے مختلف دیہات سے تعلق رکھنے والے ایسے افراد تھے جو نالہ سندھ سے باجری یا ریت نکالنے کا کام کرتے تھے اور اس طرح سے اپنا روزگار چلاتے تھے۔
