یہ افسر اس سے قبل اس علاقےکا تحصیلدار بھی رہ چکا ہے اور یہاں کا مقامی باشندہ ہے۔ بقیہ زمینداروں کے کھیتوں کو جانے والا راستہ اس کی زمین سے ہو کے گزر تا ہے اور آبپاشی بھی اسی کی زمین سے ہو کے گزرتی ہے۔
مقامی لوگوں کا کہنا ہے کہ ' گزشتہ کئی برسوں سے وہ لوگ اسی راستے سے اپنے کھیت جاتے رہے ہیں لیکن گزشتہ ایک سال سے یہ افسر راستہ اور آبپاشی دونوں بند کرنے کی کو شش کر رہا ہے'۔
مقامی لوگوں نے الزام عائد کیا ہے کہ 'مذکورہ افسر کی نیت میں کھوٹ ہے وہ چاہتا ہے کہ زمیندار عاجز آکر اپنی زمینیں کم قیمتوں پر اسے فروخت کردیں'۔
انہوں نے مزید کہا کہ ' ڈیوجنل مجسٹریٹ کنگن نے کئی مرتبہ پولیس کو حکم نامہ جاری کرتے ہوئے اس ناجائز قبضے کو ختم کرنے کو کہا لیکن اس شخص کو کوئی فرق نہیں پڑتا ہے'۔
انہوں نے گورنر انتظامیہ سے اپیل کی وہ ان کی زمینوں کا خود جائزہ لیکر انہیں انصاف دلائے ورنہ وہ سڑکوں پر آکر احتجاج کریں گے'۔
