گاندربل: جموں و کشمیر کے ضلع گاندربل کے چھتر گل، کنگن میں گجر طبقہ سے وابستہ درجنوں افراد نے احتجاج کیا Gujjars Protest in Kangan, Ganderbal۔
احتجاجیوں کا کہنا کہ برسوں سے کنگن میں آباد گریز، تلیل کے باشندے ایس ٹی (شیدول ٹرائب) کے درجے کے لیے احتجاج کر رہے ہیں۔ انہوں نے کہا کہ ’’ایسے افراد کو شیڈول ٹرائب کا درجہ دینا گجر، بکروال طبقے کے حق پر شب خون مارنے کے مترادف ہے۔‘‘
احتجاج کر رہے لوگوں نے ای ٹی وی بھارت کے ساتھ بات کرتے ہوئے کہا کہ ’’گریز، تلیل کے باشندوں کو ضلع بانڈی پورہ میں کئی مراعات حاصل ہیں۔ گریز اور تلیل کے باشندے برسوں سے کنگن میں آباد ہیں اور اب یہاں بھی ایس ٹی سی جیسی مراعات حاصل کرنے کے لیے احتجاج کر ہے ہیں۔‘‘
انہوں نے مزید کہا کہ گریز اور تلیل کے باشندوں کو حکومت نے ان کے آبائی علاقہ بانڈی پورہ میں کئی مراعات سے نوازا ہے تاہم اب وہ کنگن میں بھی ایس ٹی کا درجہ پانے کے لیے احتجاج کر رہے ہیں، جو ان کے مطابق ’’گجر بکروال طبقے کے ساتھ صریح نا انصافی Gujjars Protest ST reservations of Gurezis in Kangan ہے۔‘‘
احتجاج کر رہے گجر طبقہ سے وابستہ افراد کا کہنا ہے کہ ’’اگر گریز، تلیل کے باشندوں کو کنگن میں ایس ٹی کا درجہ دیا گیا تو اس کے خلاف سخت احتجاج کیا جائے گا۔‘‘
قابل ذکر ہے کہ کنگن، گاندربل میں برسوں سے رہائش پذیر گریز، تلیل کے باشندے ایس ٹی ریزرویشن کی مانگ کرتے ہوئے احتجاج کر رہے ہیں۔
