ضلع گاندربل میں ضلع ترقیاتی کونسل (ڈی ڈی سی) چیئرپرسن و وائس چیئرپرسن نشستوں کے لیے تیسرے مرحلے کے انتخابات کے تحت بدھ کو ووٹنگ ہوئی جس میں چیئرپرسن اور وائس چیئرپرسن کا انتخاب عمل میں لایا گیا۔
گاندربل میں ڈی ڈی سی چیئرپرسن و وائس چیئرپرسن دونوں نشستوں پر پیپلز الائنس فار گپکار ڈکلریسن (PAGD) کے امیدواروں نے جیت درج کر لی۔
چیئرپرسن نشست پر نزہت اشفاق نے 9 ووٹوں سے جیت درج کر لی اور PAGD کے ہی اُمیدوار بلال احمد نے بھی 9 ووٹوں سے جیت درج کرکے وائس چیرپرسن نشست اپنے نام کر لی۔
خیال رہے کہ گاندربل میں نیشنل کانفرنس نے سات سائٹیں، پی ڈی پی نے چار سیٹیں حاصل کی تھی جبکہ پی ڈی پی کی ٹکٹ پر جیت حاصل کرنے والی خاتون اُمیدوار تسمینہ عادل نے کل دوپہر اچانک پی ڈی پی سے مستعفی ہونے کا اعلان کیا تھا۔
ادھر تسمینہ عادل نے کسی دوسری پارٹی کے ساتھ الحاق کی خبروں کو مسترد کرتے ہوئے کہا کہ وہ آزاد امیدوار رہ کر ہی عوامی خدمات کو انجام دیں گی۔
