وسطی کشمیر کے گاندربل ضلع کے تھیرو علاقے سے لار تک زیر تعمیر سڑک پر پردھان منتری گرام سڑک یوجنا کے تحت ایک سڑک بنائی جا رہی ہے تاہم مقامی لوگوں کا الزام ہے کہ گزشتہ ڈھائی برس میں ڈھائی کلو میٹر سڑک کی تعمیر مکمل نہیں ہو رہی ہے۔
ڈھائی برس سے اہم رابطہ سڑک تکمیل کی منتظر
مقامی لوگوں نے متعلقہ محکمہ پر لاپرواہی کا الزام عاید کیا ہے اور کہا کہ محکمہ لوگوں کی مشکلات سے ٹس سے مس نہیں ہو رہا ہے۔
انہوں نے کہا کہ ٹھیکیدار نے بھی چند روز قبل بیچ سڑک میں باجری ڈال دی جس سے سڑک مکمل طور پر بند ہوگئی ہے اور لوگوں کو آمد و رفت سے شدید مشکلات کا سامنا کرنا پڑ رہا ہے۔
انہوں نے سوال کیا کہ اگر علاقے میں کسی قسم کی ایمرجنسی پیدا ہو تو ایسے حال میں کیا کیا جائے؟
اس سلسلہ میں جب ہم نے ایگزیکٹیو انجینئر پردھان منتری گرام سڑک یوجنا گاندربل سے فون پر رابطہ کرنے کی کوشش کی تو ان سے رابطہ نہ ہو سکا۔
