گزشتہ اتوار کے روز ریڈیو پروگرام من کی بات میں وزیراعظم نریندر مودی نے واتلار کی رہنے والی زیتونہ بیگم کا ذکر کیا۔
وزیر اعظم مودی نے کہا کہ جموں و کشمیر میں لاک ڈاؤن کے دوران زیتونہ بیگم نے گھر گھر جاکر مفت ماسکس اور سینیٹائزر تقسیم کیے۔
وہیں ای ٹی وی بھارت کے ساتھ خصوصی گفتگو میں زیتون بیگم نے کہا 'انھیں کافی خوشی محسوس رہی ہے کہ نرندر مودی نے اپنے پروگرام من کی بات میں ان کا ذکر کیا'۔
اُنہوں نے کہا 'میں نے پنچایت انتخابات میں حصہ لیا اور موجودہ وقت میں علاقے کی سرپنچ ہوں'۔
زیتونہ بیگم نے کہا 'بنا کسی پارٹی کے ٹکٹ پر آزاد امیدوار الیکشن لڑا اور لوگوں نے مجھ پر بھروسہ کیا اور مجھے کامیاب بنایا جس کے بعد میں نے لوگوں کی خدمت کرنے کا فیصلہ کیا'۔
زیتونہ نے کہا 'علاقے میں سیاسی رہنما اپنے اپنے کاموں میں مصروف تھے اور اس علاقے کو پسماندہ رکھا گیا تھا، تاہم جب سے میں نے سرپنچ کا عہدہ سنبھالا ہے تب سے علاقے میں مسلسل کام کرا رہی ہوں'۔
یہ بھی پڑھیے
عیدالاضحٰی: جانوروں کی فروخت کے لیے مَنڈی کا مطالبہ
انہوں نے کہا 'پروگرام من کی بات میں میرے ذکر کے بعد مجھے شہرت ملی ہیں اور میں اب زیادہ سے زیادہ لوگوں کی خدمت کروں گی۔
انہوں نے وزیرِ اعظم نریندر مودی سے اپیل کرتے ہوئے کہا 'علاقے میں کسانوں کو کورونا وائرس کی وجہ سے کافی نقصان ہوا ہے اسلیئے ان کسانوں کے 'کے سی سی' لون معاف کیا جائیں'۔
